-
తామరపువ్వు గొప్పదనం తెలుసుకో కేటీఆర్ అన్న సంజయ్
-
మీ కారు షెడ్డులో పడిందని సెటైర్
-
సెకండ్ హ్యాండ్లో కూడా మీ కారును ఎవరూ కొనరని ఎద్దేవా
బీఆర్ఎస్ వర్కింగ్ ప్రెసిడెంట్ కేటీఆర్పై కేంద్ర మంత్రి బండి సంజయ్ తీవ్రస్థాయిలో విరుచుకుపడ్డారు. ముఖ్యంగా బీఆర్ఎస్ గుర్తు ‘కారు’పై ఆయన చేసిన వ్యంగ్యాస్త్రాలు రాజకీయ వర్గాల్లో హాట్ టాపిక్గా మారాయి. బీజేపీ గుర్తు ‘తామర పువ్వు’పై కేటీఆర్ చేసిన వ్యాఖ్యలకు బండి సంజయ్ గట్టిగా బదులిచ్చారు. “బుద్ధి లేని వాళ్లే తామర పువ్వు దేవుడి పూజకు పనికిరాదని అంటారు. బ్రహ్మ, విష్ణువు, లక్ష్మి, సరస్వతి దేవి అందరికీ తామరతో సంబంధం ఉంది. నీరు ఎంత పెరిగినా తామర అంటకుండా పైనే ఉంటుంది. అలాగే మా పార్టీ కూడా అన్ని సమస్యలను దాటి ఉన్నత స్థాయికి ఎదుగుతుంది” అని కేటీఆర్కు హితవు పలికారు.
బీఆర్ఎస్ కారుపై ఎద్దేవా:
అనంతరం బీఆర్ఎస్ పార్టీపై విమర్శలు గుప్పించారు. “కారు గుర్తు ఉన్న పార్టీ వాళ్లు తమ పరిస్థితిని చూసుకోవాలి. వాళ్ల కారు ఇప్పటికే రిపేర్కు కూడా పనికిరాకుండా షెడ్డులో పడింది. కనీసం ఆ కారును సెకండ్ హ్యాండ్లో కొనడానికి కూడా ఎవరూ ముందుకు రారు” అంటూ బండి సంజయ్ తీవ్ర వ్యాఖ్యలు చేశారు. ఈ ట్వీట్ తెలంగాణ రాజకీయాల్లో ప్రకంపనలు సృష్టిస్తోంది
Read also : Telangana : తెలంగాణ ఇంటర్ పరీక్షల షెడ్యూల్లో మార్పు! ఫిబ్రవరి నుంచే పరీక్షలు
